Presidenti amerikan, Donald Trump, iu drejtua të shtunën popullit pasi u bë e ditur se u shërua nga koronavirusi.
Nga ballkoni i Shtëpisë së Bardhë, Trumpi njoftoi se është kuruar dhe se “një vaksinë kundër COVID-19 është thuajse gati”.
Turmës përballë tij, u tha se “po ndjehet mirë”, porse presidenti amerikan hoqi tërësisht maskën.
https://platform.twitter.com/embed/index.html?creatorScreenName=portalikohanet&dnt=false&embedId=twitter-widget-0&frame=false&hideCard=false&hideThread=false&id=1314989330104946688&lang=en&origin=https%3A%2F%2Fwww.koha.net%2Fbote%2F240829%2Ftrumpi-heq-masken-dhe-i-drejtohet-turmes-nga-ballkoni-i-shtepise-se-bardhe%2F&siteScreenName=portalikohanet&theme=light&widgetsVersion=ed20a2b%3A1601588405575&width=550px
Takimi i së shtunës në Shtëpinë e Bardhë është zyrtarisht një ngjarje presidenciale, sesa një fushatë, raporton CNN.
Presidenti amerikan gjithashtu i tha turmës se po planifikon të marrë pjesë në një “tubim të madh” në Florida të hënën. Florida është një shtet fushëbetejë në zgjedhjet presidenciale të muajit nëntor.
Sondazhet e deritashme tregojnë se kundërkandidati Joe Biden është në epërsi.
Sidoqoftë zgjedhjet presidenciale të SHBA-së, që do të mbahen më 3 nëntor, përcaktohen në praktikë në shtetet kryesore ku të dy kandidatët kanë shans për të fituar, sesa nga numri i përgjithshëm i votave të fituara.
