Mediat britanike raportojnë se burime nga Kievi bëjnë me dije se trupa iraniane kanë hyrë fshehurazi në frontin e luftës në Ukrainë për të ndihmuar ushtarët rusë të manovrojnë dronët kamikazë me të cilët ushtria e Putin është furnizuar kohët e fundit nga Republika Islamike e Iranit.
Sipas Mirror, të paktën 50 anëtarë të Rojeve Revolucionare janë dislokuar në jug dhe lindje të Ukrainës, së bashku me qindra dronë Shahed-136.
Vetëm ditët e fundit, ushtria e Putin ndërmorri një sulm të përgjakshëm me këta dronë në qytetin e Makrariv, rreth 31 km në perëndim të Kievit, duke shkaktuar viktima dhe dëme të mëdha në infrastrukturë.
Pavarësisht mohimeve nga regjimi iranian se nuk ka dërguar asnjë ushtar në frontin e luftës, Rojet Revolucionare janë pikasur në rajonet e Dzankoi në Krime dhe Kherson, ndërkohë që një ekip i tyre është shkatërruar nga vendasit.
