Gjatë tërheqjes, trupat ruse raportohet se hodhën në erë urën Antonivka në Kherson.
Një gjë e tillë u raportua nga gazetari rus Sasha Kots, derisa postoi një video të urës së shkatërruar, duke treguar se aty janë prishur dy hapësira.
Lidhur me këtë raportuan gjithashtu mediet ukrainase dhe ruse të cilët kanë shkruar për hedhjen në erë të urës gjatë tërheqjes. Ata publikuan shumë fotografi të urës së shkatërruar.
Siç bëhet e ditur, Ura Antonivka ishte arteria kryesore e transportit në Kherson në bregun e majtë. Megjithatë, Forcat e Armatosura e kanë dëmtuar rëndë dhe mjetet e rënda nuk kanë mundur të ecin mbi të.
Në anën tjetër spekulime të ndryshme qarkulluan gjatë ditës, derisa gazetari britanik Tim Judah pyeti nëse ura në Kherson u shkatërrua nga ukrainasit për të parandaluar arratisjen e rusëve, a po janë rusët ata që shkatërruan urën, për të parandaluar ukrainasit që t’i ndjekin ata, kështu që mund të zhvendosen në bregun e majtë.
