Trupi i pajetë i futbollistit ganez Rafael Duamena ka mbërritur në vendlindjen e tij Ganë.
Arkivoli me trupin e tij u prit nga familja në Akra të premten vonë në mbrëmje në aeroportin ndërkombëtar Kotoka.
![](https://rtsh24.s3.eu-central-1.amazonaws.com/2023/11/4dd29d031af5460782473b9c713252f0.jpg)
28-vjeçari u rrëzua pa ndjenja gjatë ndeshjes Egnatia-Partizani të shtunën e kaluar që po luhej në Rrogozhinë e vlefshme për kampionatin shqiptar.
Futbollisti u transportua me urgjencë në spital, por pa mundur të jetojë.
Në Shqipëri lojtari ganez kishte dy vjet aktivitet.
Ai do të mbahet mend si një sulmues energjik dhe golashënues rezultativ.
Si kapiten i ekipit të Egnatias, Duamena kishte realizuar 9 gola dhe ishte golashënuesi më i mirë i kampionatit shqiptar.
Futbollisti ganez kishte kohë që po përjetonte shqetësime në zemër. Ai është u diagnostikuar me një sëmundje të zemrës në vitin 2017. Mjekët e kishin këshilluar të mos luante.
Në respekt të Rafael Duamenës, u mbaj një minutë heshtje gjatë takimit miqësor Gana-Madagaskar.