Një oficer policie që punon si pjesë e ekipit të mbrojtjes së ngushtë të kryeministrit britanik, Rishi Sunak është pezulluar dhe më vonë arrestuar sepse kishte vënë baste për kohën e kur do të ndodhnin zgjedhjeve të përgjithshme, shkruan BBC.
Policia Metropolitane u kontaktua nga Komisioni i Lojërave të Fatit të premten e kaluar, që informoi se po hetonin bastet e e vendosura nga një polic i trupës së mbrojtjes së familjes mbretërore dhe specialese.
Met i tha BBC-së se çështja iu referua menjëherë oficerëve në Drejtorinë e Standardeve Profesionale, të cilët hapën një hetim dhe oficeri u pezullua nga detyra.
Oficeri më pas u arrestua të hënën nën dyshimin për sjellje të pahijshme në poste publike.
Ai u dërgua në paraburgim dhe më vonë u lirua me kusht në pritje të hetimeve të mëtejshme.
Çështja i është referuar edhe Zyrës së Pavarur për Sjellje të Policisë.
Met tha se Komisioni i Lojërave të Fatit vazhdon të udhëheqë hetimin për shkeljet e supozuara të basteve dhe “hetimi ynë po zhvillohet paralelisht me këtë”.
