Komani është hidrocentrali i dytë dhe më i fuqishëm i kaskadës së lumit Drin, por me pamjen dhe klimën skandinave, Liqeni i Komanit në veri të vendit, është gjithashtu edhe një oaz i veçantë atraksioni turistik.
Korporata Elektroenergjetike Shqiptare (KESH) publikoi pamje nga liqeni i Komanit, ku turistë të huaj shëtisin me kanoe përgjatë liqenit që shtrihet mes kodrave të mbuluara me gjelbërim, shpate vertikale, gryka të thella dhe një luginë e ngushtë, e marrë plotësisht nga lumi.
Veriu i Shqipërisë prej vitesh po ngjall interes të madh të marra nga turistët e huaj dhe vendas. Dhe dalëngadalë, ky liqen po zë vendin në listat kryesore për t’u eksploruar dhe vizituar.
Liqeni i Komanit është një rezervuar në lumin Drin, që ushqehet nga lumenjtë Shala dhe Valbona. Shtrihet në një sipërfaqe prej 34 kilometrash, nga Fshati Koman gjatë gjithë rrugës deri në Fshatin Fierzë. Ky liqen është shtëpia e 13 specieve të ndryshme të peshkut dhe amfibëve.
Liqeni Komanit shtrihet mes maleve të qarkut të Shkodrës dhe Kukësit. Është e pabesueshme që një vend kaq i bukur është rezultat i një rezervuari të ndërtuar në 1978 pranë fshatit Koman.
Udhëtimi përgjatë liqenit nga Komani deri në Fierzë zgjat më pak se tre orë dhe konsiderohet si një nga përvojat më unike të përvoja të udhëtimeve në Shqipëri. Udhëtimi me kanoe ofron panoramën më të mrekullueshme të kësaj natyre të paprekur që rrethon liqenin./ATSH/
![](https://ata.gov.al/wp-content/uploads/2022/01/koman-282x420.png)
![](https://ata.gov.al/wp-content/uploads/2022/01/koman-282x420.png)
![](https://ata.gov.al/wp-content/uploads/2022/01/koman2-291x420.png)
![](https://ata.gov.al/wp-content/uploads/2022/01/koman2-291x420.png)
![](https://ata.gov.al/wp-content/uploads/2022/01/koman3-282x420.png)
![](https://ata.gov.al/wp-content/uploads/2022/01/koman3-282x420.png)
![](https://ata.gov.al/wp-content/uploads/2022/01/koman4-327x420.png)
![](https://ata.gov.al/wp-content/uploads/2022/01/koman4-327x420.png)
![](https://ata.gov.al/wp-content/uploads/2022/01/koman5-268x420.png)
![](https://ata.gov.al/wp-content/uploads/2022/01/koman5-268x420.png)