Shqipëria vijon të tërheqë një numër të lartë vizitorësh të huaj. Sipas Ministres së Turizmit dhe Mjedisit, Mirela Kumbaro, gjatë periudhës janar-maj 2023 numri i vizitorëve është rritur ndjeshëm krahasuar me të njëjtën periudhë të vitit 2022.
Në rrjetet sociale zonja Kumbaro shkruan se, “vizitorët e huaj që kanë zgjedhur Shqipërinë në pesë muajt e parë të këtij viti, janë 42% më shumë se viti i kaluar”. Sipas saj në pikun e sezonit veror ku po hyjmë priten më shumë vizitorë.
Sipas të dhënave në periudhën janar-maj 2023 Shqipëria u vizitua nga afro 2. 4 milionë vizitorë të huaj, ndërsa në të njëjtën periudhë të 2022 nga kishte 1. 7 vizitorë të huaj.
“Po ashtu në maj të 2023 vendi ynë u vizitua nga 705 079 vizitorë të huaj dhe në maj 2022 nga 604 430, pra 17% më shumë” bëhet e ditur në videon e publikuar nga Kumbaro.
Shqipëria ka një vijë të gjatë bregdetare, në të cilën gjenden disa plazhe, nga veriu deri në jug. Ato frekuentohen përveç shqiptarëve, edhe nga shtetas të huaj, që zgjedhin Shqipërinë si një destinacion turistik gjatë muajve të verës.
ndërsa Gjirokastra, Berati, Butrinti, Kruja, Tirana, Shkodra, etj., janë destinacione të kërkuara për turizëm historik dhe kulturor.
Për shkak të relievit të ndërthurur, vendi ka kushte për turizëm gjithëvjetor. Fshatrat turistikë të veriut të vendit njohin së fundmi numër të lartë turistësh, ndërsa po zhvillohet edhe infrastruktura për turizmin e aventurës.
Shqipëria po ashtu ka lumenj të shumtë, laguna dhe parqe kombëtare të cilat kanë n gjallur interesin e turistëve nga e gjithë bota.
