Një tërmet me fuqi të dridhjes prej 5 shkallësh të Rihterit është regjistruar në provincën juglindore turke, Siirt, të enjten në mëngjes. Lajmin e bëri të ditur Agjencia për Menaxhimin e Fatkeqësive.
Epiqendra e tërmetit ishte në thellësi prej 14 kilometrash në distriktin Kurtalan në orën 8 e 45 minuta sipas kohës lokale, njoftoi kjo agjenci.
Autoritetet gjithashtu bënë të ditur se deri më tani nuk është raportuar për viktima apo persona të lënduar nga ky tërmet, shkruan Anadolu, transmeton Gazeta Express.
