Turqia është futur në izolim gjatë tërë fundjavës për herë të parë që nga maji pasi rastet me të infektuar dhe të vdekurit nga COVID-19 kanë regjistruar rekord ditët e fundit.
Shteti me 83 milionë banorë, të premten ka shënuar 32,736 raste, raporton Reuters.
Televizioni turk ka shfaqur sheshe dhe rrugë të zbrazura të shtunën në Stamboll, Ankara dhe Izmir.
Turqia kishte vendosur masë izolimi në maj. Muajin e kaluar kishte vënë kufizime në fundjava, por masat dështuan të ndalonin përhapjen e rasteve dhe numrin e të vdekurve.
