Turqia ka marrë vendim që t’i heq masat kufizuese për numrin e lejuar të klientëve në kafiteri dhe lokale, përfshirë kinematë dhe teatrot. Megjithatë, maska në hapësira publike do të vazhdojë të mbahet, bazuar në rregullat e caktuara vitin e kaluar, përfshirë rregullat e higjienës dhe distancën shoqërore.
Sipas Ministrisë së Shëndetësisë, koncertet dhe dasmat do të mbahen normalisht.
Si shumica e shteteve në botë, Turqia kishte qëndruar në izolim të plotë disa muaj, derisa restoranteve u lejohej të punonin vetëm “merr me vete”.
Rastet pozitive me COVID-19 kanë rënë dukshëm, derisa Turqia është bërë shteti i parë në botë që do të zbatojë dozën e tretë të COVID-19.
