Turqia ka rritur ndjeshëm çmimet e energjisë elektrike me 50-100 për qind për familjet dhe kompanitë dhe ka rritur sërish faturat mujore për gazin natyror.
Kjo ka rënduar më tej ekonominë, e cila po përballet me rritjen e inflacionit, shkruan Reuters.
Autoriteti Rregullator i Tregut të Energjisë ka thënë se çmimet e energjisë elektrike janë rritur me rreth 50 për qind për familjet me kërkesë më të ulët deri në vitin 2022, ndërsa janë rritur me më shumë se 100 për qind për përdoruesit komercialë me kërkesë të lartë.
Çmimet e gazit natyror u rritën me 25 për qind për banesat dhe 50 për qind për përdorim industrial në janar, ka thënë shpërndarësi kombëtar BOTAS. Gjithashtu, rritja prej 15 për qind ishte për përdorim industrial për prodhimin e energjisë elektrike.
Inflacioni vjetor në Turqi kaloi mbi 21 për qind në nëntor dhe të dhënat pritet të tregojnë se e kaloi 30 përqindëshin në dhjetor, e gjithë kjo pasi monedha e tyre lira ra në muajt e fundit nga një sërë uljesh të normës së interesit referencë.
