Vetëm një javë para se të merret vendimi për Shqipërinë dhe Maqedoninë e Veriut lidhur me hapjen e negociatave, Presidenti i Këshillit të Europës Donald Tusk ka bërë edhe njëherë thirrje për të gjitha vendet e Bashkimit Europian që të marrin mbi vete përgjegjësinë, jo vetëm për veten dhe interesat e tyre, por për të gjithë Europën si e tërë.
“Iu bëj thirrje qytetarëve dhe politikanëve të pjesës tonë në Europë: Merrni mbi vete përgjegjësinë, jo vetëm për veten dhe interesat tuaja, por për të gjithë Europën si e tërë, për Europën si komunitet”, deklaroi Tusk gjatë fjalës së tij në konferencën ndërkombëtare “GlobSec”.
Tusk theksoi se “varet vetëm nga ju nëse Bashkimi Europian do t’i mbijetojë kësaj epoke kritike, të rindërtojë vetëbesimin dhe vendosmërinë e tij. Dikush mund ta trajtojë BE-në si burim parash dhe vlerat e saj me skepticizëm. Një qasje e tillë mund të sjellë përfitime të brendshme politike, por është një lojë shumë jetëshkurtër. Kohët e sotme kërkojnë nga Europa Qendrore pjekuri dhe seriozitet strategjik. Dikur vetëquheshin si “europianët e rinj” se ne ishim shpresa dhe e ardhmja e Bashkimit Europian. Koha po vjen kur historia do të na thotë “Frenoni”. Do të ishte mirë që fjalët tona të mos ishin thjesht një bllof”./ATSH/
