Twitter ka marrë vendim të dielën që t’ia ndalojë përgjithmonë llogarinë personale Përfaqësueses Republikane të Shteteve të Bashkuara të Amerikës, Marjorie Taylor Greene, për postimet e saj të cilat thuhet se shkelnin në mënyrë të përsëritur politikat e dezinformimit sa i përket COVID-19, duke përkrahur teori të shumta konspirative.
Kongresmenja nga Gjeorgjia është anëtarja e parë e Kongresit që iu është bllokuar përgjithmonë llogaria nga Twitter, raporton CNN.
Twitter ka lëshuar më parë një pezullim afatshkurtër për llogarinë e saj, pasi ajo bëri postime rreth COVID-19 që i quajti “mashtruese”.
Greene është vënë nën kritika edhe më parë për vërejtjet mbi pandeminë. Janarin e kaluar, Twitter bllokoi përkohësisht llogarinë e Greene pasi ajo debatoi me një zyrtar të zgjedhjeve shtetërore mbi akuzat për mashtrim të votuesve.
Twitter më parë kishte ndaluar përkohësisht llogarinë e Greene për ndarjen e dezinformatave në lidhje me zgjedhjet presidenciale të vitit 2020 dhe në lidhje me COVID-19.