Ricky Martin ka mohuar akuzat për incest nga nipi i tij. Avokati i këngëtarit, Marty Singer, theksoi se Martin nuk ka pasur kurrë “asnjë lloj marrëdhënie seksuale apo romantike me nipin e tij”. Këto akuza vijnë në një kohë kur ish partneri i tij akuzoi këngëtarin për dhunë.
“Për fat të keq, personi që e bëri këtë pretendim po lufton me sfida të thella të shëndetit mendor. Ricky Martin, natyrisht, kurrë nuk ka qenë – dhe nuk do të ishte kurrë – i përfshirë në asnjë lloj marrëdhënie seksuale ose romantike me nipin e tij.
Ideja jo vetëm që është e pavërtetë, por edhe e neveritshme.Ne të gjithë shpresojmë që ky njeri të marrë ndihmën për të cilën ka nevojë në mënyrë urgjente. Por, mbi të gjitha, ne presim që ky rast i tmerrshëm të marrë fund sapo një gjykatës të shikojë faktet.”, tha avokati.
Dyshohet se viktima e supozuar është nipi 21 vjeçar Dennis Yadiel Sanchez. Vëllai i këngëtarit pretendoi gjithashtu se fituesi i Grammy-t ushtroi sulme fizike dhe psikologjike ndaj Sanchez, me të cilin ai ishte në një lidhje për shtatë muaj.
Kujtojmë që në fillim të këtij muaji, një urdhër ndalimi u lëshua ndaj këngëtarit 50 vjeçar pas akuzave të një burri, që pretendon se ka qenë në një lidhje disa mujore me të, për dhunë dhe përndjekje. Martin mohoi akuzat për dhunë në familje, duke i quajtur ato “plotësisht të rreme dhe të fabrikuara”.
