Metroja “Elizabeth’’ e cila u përuruar nga vetë Mbretërësha ditë më parë është pezulluar pas një alarmi për zjarr në stacion, vetëm dy orë pasi trenat e linjës u nisën për herë të parë sot.
Pamjet e publikuara në internet tregojnë pasagjerët duke u evakuuar nga ky stacion ndërsa në sfond dëgjohet një alarm zjarrfikëse.
Pasagjerët e kësaj linje përveç britanikëve ishin dhe nga Hong –Kongu dhe Kanadaja pasi dëshironin të ishin dëshmitar në nisjen e e këtij shërbimi, shërbim i cili i ka kushtuar Britanisë së Madhe 18.9 miliardë paund.
Një brohoritje e madhe dëgjohet nga turma prej më shumë se 500 vetash kur portat u hapën në orën 6:20 të mëngjesit, teksa një anëtar i stafit u bënte thirrje njerëzve: ‘ju lutem mos vraponi’.
Njerëzit kishin qëndruar në radhë qysh në mesnatë.
Ata në pjesën e përparme që kishin pritur deri në gjashtë orë hynë me nxitim në stacion që të mund të hipnin në trenin e parë në orën 6.33 të mëngjesit.
Stafi i stacionit hapi vetëm pjesërisht portat për të menaxhuar turmën ndërsa kalonin dhe hynin në stacion përpara se të zbrisnin shkallët lëvizëse të terminalit.
Kryetari i bashkisë së Londrës Sadiq Khan mbërriti për të përshëndetur turmat pak pas orës 6 të mëngjesit dhe foli me ata që ishin në pjesën e përparme të radhës.
Treni i parë i linjës Elizabeth nga Paddington përmes Londrës qendrore u nis në kohë në orën 6:33 të mëngjesit duke transportuar qindra persona të cilët ishin të entuziazmuar që ishin pasagjerët e parë të kësaj linje.
