Një shqiptar që vrau bashkëatdhetarin e tij në Angli pas një konflikti nëntorin e vitit të kaluar është dënuar nga drejtësia britanike.
Mediat angleze shkruajnë se Shpend Hakli vrau Sazan Bakon, pasi pretendonte se i vëllai i viktimës i kishte një borxh prej rreth 20 mijë paundësh.
Ai ka dëshmuar se kishte takuar viktimën së bashku me të vëllanë në një rrugë në Strood Henerik kur Hakli kishte goditur në fytyrë Sazan Bakon.
Sherri mes shqiptarëve u filmua nga kamerat e sigurisë dhe pas konfliktit, vëllezërit Bako u larguan.
Pasi mbërriti 35-vjeçari bëri dush dhe u shtri por nuk arriti që të zgjohej më, pasi sipas ekspertizës mjekoligjore Bako pësoi një dëmtim të rëndë të trurit, që rezultoi fatal.
Ndërkohë që 38-vjeçari, i cili ndodhet në paraburgim, u dënua për vrasje nga pakujdesia dhe pritët që të marrë dënimin pas plotësimit të procedurave.
