Mes të shtruarve në pavijonin e posaçëm në Pediatri në “QSUT” ndodhet edhe një fëmijë afgan 2-vjeç. Gazetarja e “ABC”, Ema Shazivari mëson se të gjithë anëtarët e familjes afgane, prindërit dhe tre fëmijët që mbërritën pak ditë më parë në Tiranë u infektuan me COVID-19.
Por në spital është shtruar vetëm 2-vjeçari. Nëna me dy fëmijët e tjerë qëndrojnë në shtëpi, babai po qëndron pranë vajzës në Pediatri. Në total deri tani në Shqipëri kanë ardhur për strehim mbi 600 afganë, ndërsa në total pritet që të vijnë rreth 4 mijë.
