Një ngjarje e rëndë ka ndodhur në Britani një qen ka sulmuar 2 vajza. Si pasojë e plagëve të marra një 22-vjeçare ka ndërruar jetë, ndërsa tjetra është plagosur.
Sipas BBC, ngjarja ka ndodhur në Surrey, Caterham në Britaninë e Madhe. Një zëdhënës i policisë tha se gjendja e vajzës tjetër të shtruar në spital nuk paraqitet e rëndë.
“I shprehim ngushëllimet tona familjes së 22-vjeçares që fatkeqësisht vdiq këtë pasdite. Ky incident do të jetë shqetësues për komunitetin lokal dhe unë do të doja t’i siguroja ata se ne besojmë se të gjithë qentë janë izoluar. Hetimi ynë për të përcaktuar rrethanat e incidentit po vazhdon dhe ne do t’i kërkojmë komunitetit të mos spekulojë”, tha kryeinspektori Alan Sproston.
