Mbrojtësi i Manchester United, Harry Maguire, i cili është tallur për vite me radhë, kohët e fundit ka luajtur si një i rilindur dhe mbrëmë (e enjte) ai ishte i shkëlqyer në fitoren 3-0 të ekipit të tij si mysafir ndaj Athletic Bilbaos.
United është gati të kapi finalen e Ligës së Evropës pas fitores 3-0 kundër Bilbaos dhe do të përpiqet ta shpëtojë sezonin atje. Triumfi i Ligës së Evropës do t’u sillte Djajve të Kuq një vend në Ligën e Kampionëve, gjë që do të ishte e pamundur përmes ligës, ku skuadra është në fund të renditjes.
Mysafirët nga Old Trafford bënë një lëvizje kyçe me një fitore të madhe 3-0 dhe në finale pritet të luajnë kundër Tottenham Hotspur, të cilët kanë rezultatin 3-1 pas ndeshjes së parë kundër Bodo/Glimt.
Megjithatë, përveç arritjes në prag të finales së Ligës së Evropës, trajneri Ruben Amorim ka gjetur formulën për të përmbysur vrullin e Maguire dhe për ta bërë atë një faktor të rëndësishëm në lojën e United.
Maguire është tallur, me të drejtë e pa të drejtë, për vite me radhë për gjithçka që bëri në fushë. Ai bëri gabime amatore, goditi shokët e ekipit dhe nuk i solli asnjë avantazh ekipit të tij.
Megjithatë, qendërmbrojtësi anglez ka qenë një nga lojtarët kryesorë të klubit kohët e fundit. Me një gol në kohën shtesë, ai e çoi Unitedin në gjysmëfinale të Ligës së Evropës dhe tani, me një seri driblimesh, bëri të mundur shënimin e golit të parë të ndeshjes ndaj Bilbaos, ku shënues ishte Casemiro.
Maguire depërtoi në krah, bëri një seri driblimesh që e bënë kundërshtarin në një moment të mos dinte se ku ndodhej, dhe më pas dërgoi një krosim të shkëlqyer që i solli golin e parë United.
