Një 13 vjeçar nga Miçigani i Amerikës humbi jetën në gjumë, dy ditë pasi kishte marrë dozën e dytë të vaksinës Pfizer.
Megjithatë Qendra për Parandalimin e Kontrollit të Sëmundjeve (CDC) thotë se duhen bërë studime dhe analiza, për të vërtetur nëse shkaku i vdekjes ka qenë vaksina.
Djali fatkeq humbi jetën më 15 qershor dy ditë pasi mori dozën e dytë të vaksinës Pfizer / BionTech.
Adoleshent Jacob mori dozën e dytë të vaksinës Pfizer-BioNTech më 13 qershor dhe vdiq më 15 qershor, sipas Detroit Free Press.
CDC njoftoi se po shqyrton shkaqet e vdekjes së djalit 13-vjeçar, duke theksuar se ende nuk mund të arrijë në përfundime konkrete, informon Ora News.
Martha Sarah, zëdhënëse e Qendrës për Kontrollin dhe Parandalimin e Sëmundjeve (CDC), tha në një deklaratë:
“Kjo çështje është nën hetim dhe është shumë herët për të thënë se cili është shkaku i vdekjes.”
Halla e 13-vjeçarit, tha për “Detroit Free Press” se djali kishte pasur ethe ndihej i pafuqishëm pas vaksinës.
Më 15 qershor, para se të shkonte në shtrat, ai u ankua për dhimbje stomaku, sipas një artikulli të “Daily Mail”.
13-vjeçari ishte nxënës në shkollën fillore Zilwaukee dhe nuk vuante nga asnjë sëmundje.
Studimi për shkakun e vdekjes nga Qendra Amerikane për Kontrollin dhe Parandalimin e Sëmundjeve mund të zgjasë tre deri në pesë muaj, shkruan gazeta “Daily Mail”.
