Një adoleshent amerikan është ndaluar në një ishull të Antarktidës, duke shkaktuar një vonesë të madhe në përpjekjen e tij për të fluturuar me avionin e tij të vogël në të gjitha kontinentet. Ky udhëtim që po ndiqet online nga më shumë se 1 milion persona.
Autoritetet kiliane ndaluan Ethan Guo, 19 vjeç, pasi ai kishte paraqitur një plan fluturimi të rremë, sipas CBS News.
Sipas Drejtorisë së Përgjithshme të Aviacionit Civil të Kilit, devijimi i tij nga plani i deklaruar në ajër kishte “aktivizuar protokollet e alarmit”.
Guo u mor në paraburgim pasi u ul në ishullin King George, ku ndodhen disa stacione kërkimore ndërkombëtare dhe temperatura në korrik zakonisht është shumë nën zero.
Avioni i tij i vogël, një Cessna 182, ishte nisur nga qyteti Punta Arenas, pranë pikës më jugore të Kilit dhe kishte fluturuar drejt ishullit që ndodhet në brigjet e Atlantikut dhe pretendohet nga Kili. Ishulli mban emrin e mbretit anglez George III.
Guo u ndalua në aeroportin Teniente R. Marsh.
Sipas prokurorit rajonal Cristian Cristoso Rifo, Guo kishte paraqitur një plan fluturimi që përfshinte vetëm fluturimin mbi qytetin Punta Arenas, por jo më tej.
Ai është akuzuar për shkeljen e dy neneve të Kodit Ajror të Kilit, përfshirë një nen që mund të çojë në burgim afatshkurtër.
Sipas autoriteteve, ai gjithashtu ka shkelur traktatin e Antarktidës, i cili rregullon marrëdhëniet ndërkombëtare për kontinentin e pabanuar.
Në një postim në platformën X të mërkurën, Guo shkroi: “Jam gjallë të gjithëve, do të bëj një përditësim së shpejti.”
Ethan Guo ka fluturuar me avionin e tij Cessna në gjashtë kontinentet e tjera gjatë një udhëtimi që ka zgjatur mbi 140 ditë, sipas rrjeteve të tij sociale.
Ai shpreson të bëhet piloti i parë që përfundon fluturime vetëm në të shtatë tvklan.al
