Pak kohë pas përfundimit të ndeshjes mes Real Madridit dhe Ajaxit, UEFA e sqaroi vendimin për ta anuluar golin e shënuar nga Nicolas Tagliafico, në pjesën e parë të ndeshjes që përfundoi me rezultat 2:1 për madrilenët.
Dusan Tadiç ishte në pozitë jashtë kohë dhe edhe pse ai nuk e preku topin, gjyqtari i ndeshjes e anuloi këtë gol pasi u konsultua me VAR-in.
Rregulli thotë se një gol mund të anulohet për pozitë jashtë loje nëse lojtari, edhe pa e prekur topin, e pengon kundërshtarin të luajë në mënyrë normale, ose ia mbyll pamjen portierit kundërshtar.
“Në minutën e 38-të të ndeshjes mes Ajaxit dhe Real Madridit, goli i shënuar me kokë nga Nicolas Tagliafico u anulua pas konsultimit me VAR”, shkruan UEFA Liga e Kampionëve në llogarinë zyrtare në Twitter.
