Ujëvara e Bogovës, ofron pamje fantastike nën praninë e akullit.
Ujëvara e Bogovës është Monument Natyre, pjesë e Parkut Kombëtar, Mali i Tomorit dhe mbetet një nga më të vizitueshmet nga vizitorët vendas dhe turistët e huaj.
Administrata Rajonale e Zonave të Mbrojtura Berat ka postuar foto dhe video nga Ujëvara e Bogovës nën praninë e dëborës dhe akullit.
Ujëvara Bogovës, është monument natyror dhe një nga më të bukurat në vend që vizitohet nga mijëra turistë gjatë të gjitha stinëve dhe kryesish në dimër që me praninë e akullit bëhet edhe më e bukur.
Ujëvara është e lartë 20 metra bie në një pishinë të kaltër e të thellë 12 metra. Ujërat e kristalta, zhurma tunduese e ujëvarës që bie pareshtur nga shpatet, e gjelbërimi që e rrethon, si dhe prania e akullit e bëjnë atë të jashtëzakonshme dhe ndjellëse për turistët.
Ujëvara Bogovës është një magnet për të gjithë vizitorët e Malit të Tomori, një ndalesë ku në verë shuajnë nxehtësinë në ujërat e ftohta dhe në dimër mahnite nga bukurit që të ofron, në në këtë periudhë të viti ku prania e akullit dhuron spektakël..ATSH/
