Presidenti ukrainas, Volodymyr Zelensky ka këmbëngulur se Bakhmut nuk është i pushtuar nga Rusia, edhe pse Wagner një grup mercenar i mbështetur nga Moska ka marrë kontrollin.
“Forcat ukrainase po kryejnë një detyrë shumë të rëndësishme, ata janë në Bakhmut. Por kjo do të thotë se Bakhmuti nuk është pushtuar nga Federata Ruse.”
Ukraina deklaroi të dielën se forcat e saj po vazhdojnë të përparojnë në periferi të Bahmutit, me objektivin për të rrethuar qytetin e shkatërruar në Ukrainën lindore.
Rusia pretendoi se kishte marrë plotësisht kontrollin e Bahmutit. Nëse verifikohet kjo, do të nënkuptonte përfundimin e betejës më të gjatë dhe më të dhunshme në konfliktin 15-mujor. Presidenti rus, Vladimir Putin përgëzoi trupat e tij dhe grupin Wagner.
Pavarësisht se e pranoi se pjesa e Bahmutit nën kontrollin ukrainas ishte relativisht e vogël, një gjeneral i lartë ukrainas tha se ky kontroll do t’u mundësonte atyre të hynin në qytet sapo të ndryshonin rrethanat. Shtabi i Përgjithshëm i Forcave të Armatosura të Ukrainës raportoi se ofensiva ruse në afërsi të Bahmutit vazhdoi pa pushim në 24 orët e fundit, ku përfshiheshin sulme ajrore në periferinë perëndimore.
Në një audio-mesazh në Telegram udhëheqësi i grupit Ëagner, Yevgeny Prigozhin, njoftoi se puna e grupit të tij ishte përfunduar dhe forcat e tij do të tërhiqeshin nga zona e konfliktit brenda disa ditëve.
“ Ne kemi kapur të gjithë territorin që premtuam se do të pushtonim, deri në centimetrin e fundit .Më 25 Maj do të tërhiqemi nga zona e konfliktit”, deklaroi Prigozhin.
Analistët ushtarakë pohojnë se Bakhmuti nuk ka ndonjë rëndësi të rëndësishme strategjike, pavarësisht pretendimit të Moskës se kapja e tij do të shërbente si një portë për avancim të mëtejshëm në rajonin industrial të Donbasit, të cilin Rusia pretendon se e ka aneksuar nga Ukraina.
Gjatë javës së kaluar, forcat ukrainase kanë arritur përparimin e tyre më të shpejtë në gjashtë muaj në të dy anët veriore dhe jugore të Bahmutit, duke bërë që Rusia të pranojë disa pengesa për trupat e saj.
