Një dron ushtarak dëmtoi një godinë në qytetin e Moskës, pasi u godit nga mbrojtja kundërajrore ruse.
Bashkia e kryeqytetit njoftoi se përveç disa copave të shpërndara në një zonë që përdoret për ekspozita dhe konferenca, nuk pati asnjë viktimë.
Ministria ruse e Mbrojtjes bëri të ditur se ditën e enjte gjatë mbrëmjes shmangu edhe një tjetër sulm mbi luftanijet e veta, të cilat janë ankoruar në Detin e Zi.
Sulmi ukrainas raportohet se u krye me një “barkë të telekomanduar” në kohën kur anijet ruse po lundronin në jugperëndim të Detit të Zi, afër Sevastopolit.
Presidenti i Ukrainës, Volodymyr Zelenskyy, paralajmëroi muajin e kaluar se “lufta” do shkojë në Rusi.
Shtetet e Bashkuara kanë konfirmuar se do u dërgojnë aleatëve ukrainas avionë luftarakë F-16 nga Danimarka dhe Holanda, sapo të përfundojë faza e trajnimit të pilotëve.
