Në vijën e frontit, Ukraina tha se kishte shtyrë pas forcat ruse në lindje dhe kishte mbyllur rrjedhën e gazit përmes territorit të kontrolluar nga Rusia, duke ngritur kështu spektrin e një krize energjie në Evropë.
Shefi i shtabit të forcave të armatosura ukrainase, tha se trupat kishin rimarrë kontrollin e Pytomnyk0-ut, një fshat në veri të Karkivit, pranë kufirit me Rusinë. Ministria britanike e Mbrojtjes ndërkohë tha në buletinin e saj të përditshëm mbi situatën ushtarake se forcat ukrainase kishin rimarrë disa qytete dhe fshatra nën kontroll.
Në fshatin Vilkhivka, më pak se 30 km në jug të kufirit rus, një pensionist tregon se trupat ruse e kishin përdorur atë dhe banorë të tjerë si mburoja njerëzore para se të tërhiqeshin si pasojë e luftimeve të ashpra.
Avancimi i Ukrainës duket se është më i shpejtë nga sa vetë kievi e kishte menduar pas zmbrapsjes së Rusisë nga kryeqyteti Kiev dhe jashtë Ukrainës veriore në fillim të prillit. Nëse do të vazhdojë me të njëjtat ritme, forcat ukrainase mund të kërcënojnë linjat e furnizimit për forcat sulmuese të Rusisë dhe të vendosin objektivat logjistike brenda Rusisë në rrezen e goditjes së artilerisë.
Por, forcat ruse po rigrupohen për të penguar avancime të mëtejshme dhe kanë kaluar lumin Donets, ku luftimet vazhdojnë, – thanë zyrtarët ukrainas. Në jug, ushtria e Ukrainës tha se kishte shkatërruar dy tanke dhe një depo municionesh në rajonin e Khersonit, të kontrolluar nga Rusia.
