Ukraina ka ngritur një padi ndaj Rusisë në Gjykatën Ndërkombëtare të Drejtësisë, pas pushtimit që pësoi nga Moska të enjten e shkuar. Presidenti Zelenksy në profilin e tij në Twitter shkruan se Ukraina dorëzoi kërkesën e tij në Gjykatën e Hagës.
“Rusia duhet të jetë përgjegjëse për manipulimin e nocionit gjenocid, për të justifikuar agresionin. Ne kërkojmë që Gjykata të urdhërojë në mënyrë të menjëhershme ndalimin sulmeve ushtarake dhe gjyqi të nisë javën e ardhshme”, shkruan Zelensky në Twitter.
Ndërkohë në një intervistë në televizionin shtetëror ukrainas, Prokurorja e Përgjithshme Irina Venediktova tha se Ukraina do të provojë se Presidenti rus Vladimir Putin është ‘krimineli kryesor i luftës’.
