Lufta në Ukrainë ka shkaktuar një krizë globale të grurit, pasi miliona tonë grurë kanë mbetur të bllokuar në portet e Ukrainës.
Sa i përket kësaj, të premtën Ukraina dhe Rusia pritet të nënshkrujanë një marrëveshje në shtetin turk, për lehtësimin e kësaj krize globale të grurit.
Kjo do të ishte marrëveshja më e madhe midis palëve ndërluftuese që nga pushtimi rus në Ukrainë në shkurt të këtij viti, njofton AFP.
“Marrëveshja e eksportit të drithërave,është jashtëzakonisht e rëndësishme për sigurinë globale të ushqimit, kjo do të nënshkruhet në Stamboll të premten nën kujdesin e presidentit Erdogan dhe Sekretarit të Përgjithshëm të OKB-së z. Guterres së bashku me delegacionet ukrainase dhe ruse,” ka thënë zëdhënësi i liderit turk, Ibrahim Kalin në një postim në Twitter.
Deri në 25 milionë tonë grurë dhe drithëra të tjera janë bllokuar në portet e Ukrainës nga anijet luftarake ruse dhe minat tokësore që Kievi ka vendosur për të shmangur një sulm rus të papritur.
