Tifozët e skuadrës së Tiranës, të ashtuquajtur “Capital Crew” i kanë dërguar një letër publike babait të Klodian Rashës, Qazimit. Letra e tyre është një kundërpërgjigje për babanë e të riut të vrarë nga efektivi i Policisë së Shtetit, pasi Qazimi kërkonte qetësimin e “gjakrave”. Capital Crew përmes letrës së hapur i kërkon babait të Klodianit që të mos ndërhyjë në kauzën e shqiptarëve, duke e akuzuar se mesazhin e tij e kishte hartuar prej presionit të qeverisë. Gjithashtu, tifozët e skuadrës së Tiranës thonë se vrasja e Klodianit, tashmë nuk i përket vetëm familjes por edhe shqiptarëve, duke shtuar se qeveria është duke i përdorur dhe theksuar se s’janë as të parët e as të fundit që kanë ulur kokën nga presioni i krimit të legjitimuar.
Letra
I dashur Baba i Klodianit të ndjerë dhe ju familja e tij e nderuar, e mirëkuptojmë dëshiren tuaj për të qetësuar gjakrat në dhunën e ushtruar nga të dyja palët si nga shteti si nga qytetarët, mirëpo tashmë kjo që po ndodh është më e madhe se ju, dhe si e tillë nuk ka vend me për qendrime neutrale.
Te kauza e shqiptarëve mos ndërhyni ju lutem, as mos na dërgoni letra të hartuara, sikur i ka bërë qeveria, se në fakt më shumë na bën të irritohemi tjetërsimi i fjalive tuaja në media, sesa tju besojme dhe të na qetësoni!
Po të drejtohemi me emrin Babush i dashur, se dhimbja jote është e madhe dhe në të kuptojmë dhe do jemi aty me ty gjithmoë, por Babush i dashur, nëqoftëse ti kërkon drejtësine tende personale, mos ua moho prindërve të tjerë shqiptarë të bëjnë të njejtën gjë.
Vrasja e Klodianit, tashmë nuk ju përket vetëm juve si familje, ju keni pjesën familjare, por jo atë shqiptare! Ne po dënojme aktin e shëmtuar që ka ndodhur dhe nuk po përdorim Klodian, përkundrazi, po mbrojmë të ardhmen e shqiptarëve, se fundja fundit vetëm kështu mbrohet, e nderuar Familja e Klodianit.
Ndërkohë ata që po ju përdorin, nuk është e nevojshme t’i demaskoni, s’jeni as i pari as i fundit person që ka ulur kokën nga presioni i krimit të legjitimuar, dhe të gjithë e dimë. E dimë, e kuptojmë dhe ndaj po ju drejtohemi që të mbani kokën lart. Kjo një përgjigje në formë respekti, ndaj zemrës suaj të plagosur dhe vrarë, që kjo që po bëjnë tashmë shqiptarët, është një revoltë e shqiptarëve, për liri, drejtësi, për dashuri dhe Shqiptari. Por mos e prit respektin nga ata që të bëjnë presion, se kriminelët janë bastarda, dhe nuk e kuptojnë dashurinë prindërore, ata njohin vetëm dredhin e pushtetit, për të përfituar nga ju dhe në ditët më të vështira tuajat!
Gjithçka dinë të bëjnë, u përmblodh në vrasje, inkriminim, shpifje dhe terror. Dhe i nderuar, mos harro se drejtësia nuk erdhi nga policia, gjykata apo Ministri i Brendshem i cili qartazi nuk deshi të mbante përgjegjësi, erdhi vetëm nga ata njerëz që protestuan dhe dihet kur ka trazira e të gjithë shohin viktima s’mbetet me thjesht viktima.Viktima do ishte para ndonjë tv duke qarë për drejtësi, kurse polici do të dekorohej dhe djali do të ngarkohej me precedent penal të paqenë dhe të nënshkruar për një sufllaqe. Po jo ne s’të lamë të bëheshe viktim!
Klodiani na shikon nga larg dhe ne do e çojmë në vend drejtësinë e tij, se edhe ai e do këtë! Rroftë Shqipëria dhe Dashuria për Liri dhe për Atdheun!
Ju përqafojmë dhe Zoti ju a lehtësoftë dhimbjen.
