Për shkak të punimeve në nyjen “Shqiponja”, duke nisur nga dita e sotme do të ketë një riorientim të qarkullimit të automjeteve, të cilat hyjnë dhe dalin nga Tirana.
Për automjetet e emergjencave do të ketë një rrugë alternative, ndërsa u është bërë thirrje drejtuesve të automjeteve që të aksesojnë rrugët alternative për të hyrë në Tiranë, siç është rruga Rrogozhinë-Elbasan-Tiranë ose rruga që kalon përmes Ndroqit.
Por lidhur me këtë zhvillim reagon edhe shefi i kabinetit të kryetarit të PD, Dorian Teliti, i cili i rikthehet edhe një herë projektit të “Unazës së Re”.
Sipas tij, historisë mafioze të korrupsionit ndërkombëtar të Edi Ramës, Damian Gjiknurit dhe DH Albania i shtohet edhe ai i trafikut.
“Për qytetarët që u duhet të dalin apo të hyjnë në Tiranë fillon tmerri i vërtetë i trafikut. Tmerri i trafikut i shtohet historisë mafioze të korrupsionit ndërkombëtar të ER, Damian Gjiknurit dhe DH Albania. 48 milion euro i ka taksur ER dhe Damian Gjiknuri shtrimit të asfaltit në një segment vetëm 2.2 km të gjatë.
Të tre lotet e projektit u fituan pa garë me pothujase 100% të vlerës limit të tenderave, ku gjithmonë merrnin pjesë 2 firma dhe njëra nuk jepte ofertë financiare.
Historia mafioze e Unazës së Re ngrihet mbi dramën e qindra familjeve që mbetën pa strehë për të mos prekur projektin e kullave të Edmond Begos. Një aferë ndërkombëtare 48 milion € që u mbyll me vetëm një të dënuar, një recepsionist 26 vjeçar që u bë kurban për një grusht para“.
Ja si devijon trafiku duke nisur nga sot:
