Për studentët e ardhshëm që duan të jenë pjesë e një prej programeve, Mjekësi, Stomatologji dhe Farmaci, Universiteti Western Balkans në datën 29 Qershor 2024, në orën 10:00 organizon një sesion informues rreth testit CASPER (Computer-Based Assessment for Sampling Personal Characteristics) dhe proceseve të tjera të pranimit në këtë universitet.
Të gjithë aplikantët që duan të jenë pjesë e këtij takimi, do të kenë mundësi të mësojnë në detaje rreth përmbajtjes, procesit të regjistrimit, formatit dhe vlerësimit të testit CASPER. Në këtë takim do të jepet informacion mbi intervistat e programit të studimit të Mjekësisë, Stomatologjisë dhe Farmacisë.
Në këtë sesion informues çdo maturant do të ketë mundësinë të gjejë përgjigje për pyetjet që ka, si dhe të qartësohet për detaje të tjera rreth procesit të pranimeve. Vlen të theksohet se pjesëmarrja në provimin online CASPER është thelbësor në procesin e renditjes në programin e studimit, ku 30% e vlerësimit i përket testit Casper, 50% mesatares së shkollës së mesme sipas VKM-së, si dhe 20% intervistës.
Për programin e studimit të Mjekësisë kjo renditje ndikon gjithashtu edhe në përfitimin e Bursave të Ekselencës, pasi 20 të parët do të jenë përfituesit e 5 bursave 100%, 5 bursave 75% dhe 10 bursave 50%.
