Forcat e Mbrojtjes së Izraelit (IDF) kanë bërë të ditur se kanë kryer sulme ndaj objektivave ushtarake në Siri.
Sipas tyre, një qendër komande dhe armë në komplekse ushtarake që i përkisnin regjimit sirian janë goditur në jug të vendit. Ky njoftim u bë i ditur në rrjetet sociale.
Ushtria izraelite tha se shënjestroi një qendër komande dhe armë në komplekset ushtarake në Sirinë jugore dhe tha se nuk do të tolerojë dëmin ndaj popullsisë druze, duke shtuar se do të vazhdojë të veprojë për t’i mbrojtur ata dhe për të monitoruar zhvillimet në rajon.
“IDF nuk do të tolerojë dëmtimin e popullsisë druze në Siri dhe do të vazhdojë të veprojë për t’i mbrojtur ata,” thuhet në deklaratë.
Sulmet izraelite janë përqendruar pothuajse tërësisht në Iran dhe në atë që Izraeli e cilëson si infrastrukturë të përdorur nga grupi militant i mbështetur nga Irani, Hezbollah, në Liban.
