Forcat e armatosura amerikane mund të strehojnë përkohësisht deri në 50 000 afganë të evakuuar në bazat e tyre në SHBA, njoftoi sot zëdhënësi i Departamentit të Mbrojtjes, John Kirby.
Më parë, forcat e armatosura kishin folur për një kapacitet prej më shumë se 20 000 persona.
“Pranimi i afganëve shtesë është tani i mundur, sepse ushtria po hap tri baza të tjera për të akomoduar të evakuuarit”, tha Kirby.
Afganët janë kryesisht ish-punonjës të forcave të armatosura amerikane dhe familjet e tyre.
Fillimisht, ata do të vendosen në bazat ushtarake, ndërkohë që autoritetet amerikane do të ndërmarrin përpunimin e kërkesave të tyre për vizë.
