Ushtria ukrainase ka njoftuar se ka arritur të godasë një fabrikë ruse që prodhon pajisje navigimi dhe komponentë të tjerë të përdorur në raketa kruiz dhe raketa balistike.
Sipas deklaratës së Shtabit të Përgjithshëm, bëhet fjalë për fabrikën “VNIIR-Progress” në qytetin Cheboksary, rajoni i Çuvashisë.
Në njoftim theksohet se fabrika prodhon “njësi të tipit Kometa, të përdorura në dronët kamikazë Shahed, si dhe në sistemet raketore Iskander-M dhe Kalibr”.
Burimet ushtarake ukrainase raportuan se pas sulmit është regjistruar një zjarr në ambientet e fabrikës.
Ndërkohë, guvernatori i Republikës Çuvash, Oleg Nikolaev, konfirmoi për BBC se Cheboksary ishte sulmuar nga dronë ukrainas, duke shtuar se dy ndërtesa banimi u dëmtuan dhe dy persona u plagosën. Ai nuk përmendi ndonjë goditje ndaj fabrikës.
