Një grua shtatzënë ka lindur në vagonin e një treni të shpejtë, i cili u nis nga Roma për në Torino. Kur drejtuesi i “Frecciabianca”, u njoftua se një pasagjere shtatzënë ishte duke lindur ajo nuk e humbi toruan, por kërkoi ndihmë midis udhëtarëve.
Një punonjëse e kujdesit shëndetësor kontaktoi një mike obstetër, e cila ndodhej në shtëpi në një ditë pushimi. Profesionistja me anë të videotelefonatës ka dhënë indikacione për lindjen. Në stacionin e Arquata Scrivia, në provincën e Alessandria, treni ndaloi dhe vagoni u shndërrua kështu në një dhomë lindjeje. Fëmija ka lindur rreth orës 12: 00 të hënën.
E gjitha filloi sapo treni kaloi Genova-n, kur gruaja filloi të kishte kontraktime të forta.
“Gjëja e parë që mendova, kur iu përgjigja telefonatës, ishte një shaka. Më pas kur kuptova se gjithçka ishte e vërtetë, kuptova se zgjidhja e videothirrjes, e propozuar nga punonjësit e Trenitalia ishte më e mira”, tha mjekja obstetër Daniela Sanfilippo.
Një grua 86-vjeçare udhëtare në tren hapi valixhen e saj dhe i dha peshqirë të pastër të hekurosur. Nëna e re me kombësi të huaj, u transportua në spitalin San Giacomo në Novi Ligure së bashku me vajzën e sapolindur, ndërsa treni mbërriti në Torino tridhjetë minuta pas kohës së planifikuar, por askush nuk u ankua. Foshnja e ardhur në jetë u mirëprit nga të gjithë udhëtarët e pranishëm.
