Barcelona ka pësuar humbje prej 2 me 0 në udhëtim te Valencia.
Vendasit i shkaktuan mjaft shumë probleme Barcelonës, duke treguar efikasitet mjaft të lartë në këtë takim, transmeton Koha.net.
Rastin më të mirë për të kaluar në eprsi Valencia e pati në mintuën e 12 të takimit kur nga penaltia u tregua i pasaktë Gomez, goditjen e të cilit e ndali portieri Ter Stegen.
Por, në pjesën e dytë vendasit shënuan dy herë.
Në minutën e 48 të ndeshjes Jordi Alba shënoi autgol, derisa epërsinë e dyfishoi Gomez në minutën e 77, pas asistimit nga Torres.
Pas kësaj humbjes Barcelona në krye të tabelës mbetet në kuotën e 43 pikëve, aq sa ka Reali në vendin e dytë por tani me një ndeshje më pak. Kurse Valencia në vendin e pestë ka 34 pikë.
