Varianti afrikano-jugor i koronavirusit është shfaqur edhe në Poloni, ka thënë të premten ministri i Shëndetësisë i vendit, Adam Niedzielski, teksa ky shtet po përgatitet për valën e tretë të pandemisë.
“Përveç variantit britanik, është shfaqur edhe varianti i Afrikës së Jugut”, ka thënë ai në një konferencë shtypi, raporton “Guardian”.
Polonia të premten njoftoi për 8.777 infeksione të reja me koronavirus dhe 241 vdekje të tjera, duke e çuar numrin e përgjithshëm të rasteve në 1.623.218 dhe numrin e përgjithshëm zyrtar të vdekjeve në 41.823. Të enjten, Polonia konfirmoi 9.073 infeksione të reja dhe 273 vdekje.
Nga rastet e reja të konfirmuara të premten, 1.427 ishin në rajonin qendror të Mazowieckie, i cili përfshin kryeqytetin kombëtar, Varshavë.
