Nënkryetari i LSI, Petrit Vasili në një deklaratë për mediat ka akuzuar qeverinë se po mashtron qytetarët në lidhje me protokollet e pandemisë.
Vasili vijoi më tej, duke thënë se rama u tregon shqiptarëve se si të gënjejnë qytetarët.
“Siç e kuptoni më së miri, ka vetëm një strategji të Ramës për të përballuar Covidin, bashkë me qeverinë e tij, një strategji të ndarë në disa faza, por çdo fazë ka veç një emër, mashtrim, faza e para, e dytë, e 12, 124 është vetëm mashtrim. Në vend që Rama të sigurojë barnat dhe vaksinat e duhura, u tregon shqiptarëve se si nuk duhet, se si duhet gënjyer qytetari, se si duhet kaluar dora përsipër, por nuk duhet shtypur shiringa që të bëhet bari. Ky është mashtrimi.
Nuk ka para që të ju afrojë ushqim dinjitoz qindra të sëmurëve, nuk rimburson miliona, miliarda që harxhojnë shqiptarët për tu shëruar nga Covid. Vetëm 100 mijë euro janë shpenzuar në recetat anti-Covid për të ju dhënë qytetarëve, ndërsa qytetarët janë shpenzuar 100 e ca milionë euro. Më pak se 1 të njëmijtën ka shpenzuar Edi Rama nga paratë e tij. Strategjia e Ramës ka qenë vetëm, gjoba, dënime, autoblinda, video mashtruese”, ka thënë Vasili.
Nënkryetari i LSI ka shtuar se kryeministri ka si strategji përballimi për pandeminë vetëm mashtrimin.
“Edi Rama është lakuriq para jush si mashtrues, e kuptoni që fillim e mbarim vetëm e ka përdorur politikisht. Ky moment shumë i rëndë, shikoni është shumë tragjike, Edi Rama reklamon se si të mashtroni të sëmurët dhe ky do ti ruajë. Kjo video tregon se Tirja dhe Edi Rama janë e njëjta gjë. Pra Tirja Rama dhe Rama Tirja janë emri dhe mbiemri i njëra-tjetrës. Të jeni shumë të bindur të nderuar qytetarë dhe qytetare, ju do të shkoni në 25 prill. Por përveç shumë gjërave të tjera, ju duhet të mendoni, hallet pa fund tuajat të pazgjidhura, mijëra bizneseve të mbyllura që nuk ju dha asnjë ndihmë, mos harroni kurrë këtë video mashtruese.”
