Edhe sot prej mëngjesit vijojnë rradhët kilometrike të mjeteve të vogla, autobusëve dhe kaminonëve për të hyrë në Shqipëri nga Kosova.
Radha shkon gati 12 km në thellësi të territorit të Kosoves deri në fshatin Zhur.
Qytetarët e Kosoves ankohen për pritjet deri në tre orë ndërsa shtojnë se masat e vendosura nga dy qeveritë nuk e ndalojnë përhapjen e Covidit.
Në Morinë po punohet me kapacitete të plota të sporteleve dhe forca të shtuara, edhe procedura e verifikimit të dokumentave anti-Covid është e shkurtër.
Por megjithatë është e pamundur shmangia e radhëve, e cila krijohet edhe nga kamionët e transportit te mallrave.
