Numri i përgjithshëm i viktimave të koronavirusit në botë e ka kaluar shifrën prej tre mijë personave. Gati 500 raste të reja të infektimeve u shënuan në Korenë Jugore, ndërsa në Shtetet e Bashkuara u konfirmua viktima e dytë.
Më shumë se 88 mijë njerëz janë infektuar me koronavirus deri më tash në mbarë botën, ku janë përfshirë më shumë se 60 shtete. Dy rastet e parë u konfirmuan edhe në Indonezi, shkruan “The Guardian”, transmeton Gazeta Express.
Dy muaj pas paraqitjes së koronavirusit, numri më i madh i infektimeve dhe vdekjeve po vazhdon të shënohet në Kinë. Komisioni për Shëndetësi në këtë shtet raportoi për 202 raste të reja të infektimeve dhe 42 vdekje në 24 orët e fundit.
Pas Kinës, më së shumti njerëz nga koronavirusi kanë vdekur në Iran, 54. Në Itali, numri i personave të infektuar pothuajse u dyfishua, ndërsa në Australi u shënua viktima e parë
