Brazili raportoi 1.026 vdekje të reja nga COVID-19, kurse Meksika 625
Ndërsa koronavirusi i ri vazhdon të godasë Amerikën Latine, numri i vdekjeve në Brazil arriti në 35 mijë dhe 13 mijë në Meksikë, transmeton Anadolu Agency (AA).
Në Brazil u regjistruan 1.026 viktima të tjera gjatë 24 orëve të fundit, duke e ngritur numrin e vdekjeve në 35.047, sipas Ministrisë së Shëndetësisë.
Numri i përgjithshëm i rasteve në vendin e dytë më të goditur në botë arriti 646.006, pasi 31.065 persona të tjerë rezultuan pozitivë me COVID-19.
Në Meksikë, 625 viktima të tjera e çuan numrin e vdekjeve në 13.170.
Në total, 4.346 persona të tjerë rezultuan pozitivë me COVID-19 gjatë 24 orëve të fundit, duke e ngritur numrin e përgjithshëm në 110.026, njoftoi Ministria e Shëndetësisë e vendit.
Më herët këtë javë, Organizata Botërore e Shëndetësisë tha se Amerika Latine është kthyer në “zonë të kuqe” e transmetimeve të koronavirusit në botë dhe se solidariteti dhe mbështetja janë të nevojshme për këto vende për të kapërcyer pandeminë.
