Bashkëshorti i Mbretëreshës Elizabeta II, Princi Philip, ka vdekur të premten në moshën 99-vjeçare, ka bërë të ditur Pallati Mbretëror.
Princi Philip kishte kaluar 64 vjet duke mbështetur mbretëreshën në aktivitetet e saj, duke hequr dorë nga roli i tij publik që nga viti 2017.
Ai kishte kaluar këtë vit disa javë rresht në një spital të Londrës për shkak të përkeqësimit të gjendjes së tij shëndetësore.
Princi Philip ishte martuar me Mbretëreshën Elizabeta në vitin 1947, pesë vjet para se ajo të bëhet mbretëreshë duke u bërë kjo martesa më e gjatë në historinë mbretërore të Britanisë së Madhe.
Çifti kanë katër fëmijë, tetë nipa e mbesa dhe 10 stërnipa e stërmbesa.
