Njeriu që njihet si “babai i bombës bërthamore të Pakistanit”, Dr. Abdul Qadeer Khan, ka vdekur në moshën 85-vjeçare, pasi ishte i hospitalizuar me COVID-19, raporton BBC.
Khan është cilësuar si hero në Pakistan pasi e ktheu atë në fuqinë e parë nukleare nga bota islamike.
Mirëpo, ai ishte famëkeq për faktin se kontrabandoi sekrete nukleare te shtetet si Koreja e Veriut e Irani.
Kryeministri i Pakistanit, Imran Khan, ka thënë se Pakistani ka humbur “një ikonë nacionale”.
“Ai ishte i adhuruar nga shteti ynë, për shkak të kontributit të tij vendimtare që të na bëjë shtet me armë nukleare”, ka shkruar Khan në Twitter.
Shkencëtari ishte i rëndësishëm në ngritjen e uzinës së parë të pasurimit bërthamor në Pakistan, në Kahuta afër Islamabadait. Deri në vitin 1998, vendi kishte kryer testet e para bërthamore. Puna e Khanit ndihmoi që të vulosej vendi i Pakistanit si fuqia e shtatë bërthamore në botë dhe nxiti gëzim nacional.
Ai u arrestua në vitin 2004 për ndarjen e paligjshme të teknologjisë nukleare mne Iranin, Libinë e Korenë e Veriut.
