Presidenti i Serbisë, Aleksandar Vuçiç, nuk ka mohuar pajtimin e tij me Marrëveshjen e Ohrit në të cilën një prej pikave është se Serbia nuk do të kundërshtojë anëtarësimin e Kosovës në organizatat ndërkombëtare, por theksoi se Prishtina nuk ka bërë asgjë në lidhje me Asociacionin e Komunave me shumicë serbe.
I pyetur nga mediat serbe pse vendi i tij tani po kundërshton anëtarësimin e Kosovës në Këshillin e Evropës nëse është pajtuar me të duke pranuar Marrëveshjen e Ohrit, Vuçiç tha se një pjesë të marrëveshjes nuk do ta zbatojnë.
“Për atë nenin 4 të Marrëveshjes së Ohrit kam folur në Kuvend. Në fjalimin tim të parë pas Ohrit kam thënë që në parim e pranojmë, por për disa gjëra nuk do ta nënshkruaj”, tha ai.
“Para së gjithash, kjo është për shkak të anëtarësimit Kosovës në Kombet e Bashkuara”, tha ai. Ai zbuloi gjithashtu se vendet e QUINT-it i kanë kërkuar që të Presidenti serb insistojë më shumë në krijimin e Asociacionit.
