Në një numër vendesh në botë, numri i infeksioneve të reja me koronavirus është rritur ditëve të fundit. Nga ana tjetër, autoritetet e Ishujve Faroe pretendojnë se nuk e kanë asnjë të infektuar me virus. Si e arritën këtë?
Me 23 raste pozitive me COVID-19 ishte situata më 23 gusht të 2020. Asnjëherë më parë dhe asnjëherë që atëherë, ky grup i ishujve në Atlantikun e Veriut nuk ka pasur më shumë raste pozitive në një ditë.
Disa muaj më vonë, gjatë dhjetorit, numrat shpërthyen – në 19 raste në ditë. Që nga 26 shkurti i këtij viti, të 18 ishujt zyrtarisht janë “pa koronavirus”, raporton DW.
Ishujt Faroe, vend që zyrtarisht i përket Mbretërisë së Danimarkës, por gëzon autonomi të madhe, është shtëpi e rreth 50 mijë banorëve. Kryesisht jetojnë nga peshkimi, turizmi dhe mbarështimi i deleve. Ishujt Faroe në përkthim do të thotë – Ishujt Dele.
Grupi i ishujve ndodhet në Atlantikun Verior, mes Skocisë e Islandës. Izolimi relativ besohet se është çelësi kryesor për fitoren ndaj pandemisë.
Në Ishujt Faroe mund të shkohet vetëm me anije përmes portit të trageteve në kryeqytetin Torshavn, ose me aeroplan përmes aeroportit në qytetin e Vagar.
Dhe kjo lehtëson kontrollin e atyre që duan të futen në ishull.
