Kreu i Partisë Demokratike ka komentuar vendimin e KQZ për heqjen e mandatit të Agim Kajmakut, pas hetimeve që rezultuan se ai kishte fshehur dënimin e tij në Greqi.
Sipas Bashës, Agim Kajmaku “është dhe një poshtërim për gjithë shqiptarët të cilët shkëlqejnë kudo në botë por në vendin e tyre qeverisen nga kriminelë, nga trafikantë, nga hajdutë, që e kanë vendin në burg e jo në qeverisje”.
Kryetari i PD thotë se “për këdo që ka patur dyshime apo ka menduar që 2013 apo 2015, 2017 janë rastësi, tani ka provat që kjo ka qenë një skemë e mirëmenduar e Ramës për t’i dorëzuar pushtin krimit prandaj qeveris me krimin dhe e mban pushtetin me krimin”.
Basha përsëriti sërish kërkesën për zgjedhje të parakohshme, me një qeveri të përkohshme për të garantuar sipas tij votën e shqiptarëve.
“Zgjidhja e vetme është t’ia kthejmë qeverisjen shqiptarëve, t’ia kthejmë parlamentin shqiptarëve, me zgjedhje të parakohshme parlamentare, me një qeveri kujdestare që do garantojë votën e tyre”, u shpreh Basha./ATSH/
