Vendvotimet janë hapur në kohë, votimi deri në këto momente po rrjedh pa kurrfarë problemi, njoftojnë për MIA nga Komisioni Shtetëror i Zgjedhjeve.
Zgjedhjet fillojnë në ora 07:00, me hapjen e 3390 vendvotimeve, ndërsa votuesit e 90 vendvotimeve, meqenëse janë më pak se 10 votues, të drejtën e tyre të votës do ta kryejnë në vendvotimin më të afërt. Votimi përfundon në ora 21:00.
Të drejtë vote kanë 1.814.613 votues në gjashtë Njësi Zgjedhore. Votohet për 15 parti dhe koalicione me 1578 kandidatë.
