Shenjat e regjistrimit RKS në veturat në Mitrovicën e Veriut janë mbuluar me shenja KM që kanë targa të Serbisë.
Siç raporton portali Kosovo-Online, ngjitëse KM mund të shihen në shumë vetura në mbarë Mitrovicën e Veriut, të cilat kishin targa RKS.
Gjithashtu, në xhamin e përparmë të veturës është ngjitur edhe një poster, në të cilin targat RKS ishin të shënjuara me shenjën e kuqe “x” si të pasakta dhe targat KM, sipas sistemit serb, ishin të shënjuara me shenjën aprovuese me ngjyrë jeshile.
Posterët janë suvatuar edhe në shumë ndërtesa në Mitrovicën e Veriut dhe përmbajnë një citat për Kosovën nga poeti i famshëm serb Matija Beçkoviq, si dhe foton e tij.
