Sot në Prizren është mbajtur ceremonia zyrtare e hapjes së zyrave të Ministrisë, së Kulturës, Rinisë dhe Sportit.
Ministri Kujtim Gashi, tha se me hapjen e këtyre zyrave në Prizren, MKRS-ja do të jetë më afër kulturës dhe traditës për t’i mbrojtur ato.
“Sërish Prizreni na u është bashkuar. Kjo është një pjesë e kabinetit tim që tani do të punojnë në Prizren. Në këtë dite dimri, sot kryeqyteti i kulturës merr edhe epitetin administrativ. Pas një rrugëtimi drithërues nga sot MKRS-ja do të jetë afër kulturës e traditës për t’i mbrojtur ato”, ka thënë Gashi.
Në ceremoni, mori pjesë edhe kryetari i Kuvendit të Kosovës, Kadri Veseli, i cili tha se Prizreni është vendi që na përfaqëson më së miri ndërkombëtarisht. Sipas tij, Prizreni është interes i një Kosove dhe jo i një partie.
“Ajo që do të ndodh pas sot është kjo, prej sot Prizreni do ta ketë qendrën e vet përderisa ky s’do të jetë i vetmi institucion qe do të ketë Prizreni. Sa herë që pyetem nga ndërkombëtarët se cili është vendi që duhet vizituar në Kosovë, unë i them Prizreni, pasi na përfaqëson më së miri, s’ka vende ku vendet jetojnë etnike dhe ndëretnike. Ky qytet është nyje e kombit tonë, nyje e transformimit të një identiteti të ri. Prizreni është interes i një Kosove dhe jo i një partie”, tha Veseli.
