Lëvizje Vetëvendosje përmes sekretares organizative Vlora Haxhimehmedi, ka njoftuar se është shtyrë protesta e paralajmëruar ditë më parë.
“Tash e disa javë është bërë presion i madh nga aktivistë e qytetarë për të dalë në protesta. Kjo u shtua sidomos dje pas paralajmërimit për seancë të jashtëzakonshme për të shtunën me 2 maj. Mirëpo, masa e përkohshme e vendosur nga Gjykata Kushtetuese sot, sigurisht se e shtynë protestën. Ndërkohë, puna e përditshme dhe përgatitjet tona vazhdojnë”, ka njoftuar në Facebook Haxhimehmedi.
Një protestë kundër formimit të Qeverisë së re ishte paralajmëruar përmes rrjeteve sociale më 4 maj.
